.png)
AZ
"Azərbaycan Televiziya və Radio Verilişləri" Qapalı Səhmdar Cəmiyyəti ölkəmizin ilk televiziya və radio qurumudur.
Hər xalqın milli-mənəvi dəyərlərini, mədəni irsini əks etdirə biləcək bir güzgüyə ehtiyacı var. Bizim də güzgümüz “Mavi ekran”dır. Məhz buna görə də Azərbaycanı beynəlxalq aləmdə tanıtmaq, ölkəmizin zəngin irsini - mədəniyyətini, incəsənətini, ədəbiyyatını dünyaya çatdırmaq və təbliğ etmək istiqamətində Milli Televiziya və Radionun gördüyü işlər danılmazdır. Bunu Azərbaycan xalqının ümummilli lideri Heydər Əliyevin "Azərbaycan Televiziya və Radio Verilişləri" QSC-nin əməkdaşları ilə görüşü zamanı söylədiyi "Azərbaycan Televiziyası xalqımızın milli sərvətidir" – kəlamı ilə bir daha təsdiq etmək mümkündür.
Azərbaycan televiziyası bizi tək özümüzə deyil, bütün dünyaya göstərir. Müasir dövrdə müxtəlif sahələrlə bağlı zəngin verilişlər epopeyası yaradan Ana Televiziyamız, xalqımızın bu günə qədər keçdiyi misli-bərabəri olmayan tarixi qələbələrini, milli-mənəvi dəyərlərimizi nümayiş etdirməklə gələcək nəsllər üçün bir ensklopediya rolunu oynayır.
“Azərbaycan Televiziya və Radio Verilişləri” Qapalı Səhmdar Cəmiyyətinin strukturuna aşağıdakı qurumlar daxildir:
* Azərbaycan Televiziyası (AzTV)
* İdman TV
* Mədəniyyət TV
* Azərbaycan Radiosu
* Beynəlxalq Radio
BEYNƏLXALQ RADİO
Beynəlxalq Radio öz verilişləri ilə ilk dəfə 1941-ci il 20 iyul tarixindən hər gün “Azərbaycanın səsi” çağırışı ilə efirdə yayımlanıb. Hazırda 11 dildə – azərbaycan, türk, ingilis, fars, ərəb, erməni, rus, gürcü, talış, ləzgi, kürd dillərində gündəlik efirə çıxır. Proqramların özəyini Azərbaycan həqiqətləri, Qərbi Azərbaycan, Zəngəzur mövzusu, Azərbaycan tarixi, ədəbiyyat və musiqi xəzinəsi təşkil edir.
Qurumda “Cənubi Azərbaycan qrupu” fəaliyyət göstərir. Qrupun verilişlərinə siyasi gündəm, ədəbi-bədii verilişlər, tarixi mövzular və musiqi nömrələri daxildir. “Körpü”, “Qərbi Azərbaycan həqiqətləri”, “Şərqi Zəngəzur” və “Sorağınız gəlsin” “Cənubi Azərbaycan qrupu”nun rubrikaları sırasındadır.
Beynəlxalq Radionun nəzdində “Xəbərlər, analitik, şərh və buraxılış qrupu” da efirə çıxır. Qrup həftənin hər günü ölkədə və dünyada baş verən mühüm xəbərləri dinləyicilərə operativ şəkildə təqdim edir. Şənbə günləri həftənin icmalı, bazar günləri isə həftənin mədəniyyət xəbərləri müvafiq saatlarda yayımı davam etdirir.
Həftənin I, III və V günləri “Gürcü dilində verilişlər qrupu” nun buraxılışı efirdə yayımlanır. Buraxılış, xəbərlər, günün mövzusunda şərh, gündəmə aid material və musiqi çələngindən ibarətdir.
Həftənin I və III günləri “Ləzgi dilində verilişlər qrupu” xəbərlər, günün mövzusunda şərh, gündəmə aid material və musiqi proqramı ilə efirə çıxır.
Beynəlxalq Radioda “Talış dilində verilişlər qrupu” həftənin II, IV günləri fəaliyyətini davam etdirir. Talış dilində yayım gündəliyinə xəbərlər, günün mövzusunda şərh, gündəmə aid material və musiqi çələngi daxildir.
Beynəlxalq Radio həftənin II, IV günləri Kürd dilində verilişləri dinləyicilərə təqdim edir. Proqram xəbərlər, günün mövzusunda şərh, gündəmə aid material və musiqi çələngindən ibarətdir.
Həftənin hər günü erməni dilində verilişlər təqdim olunur. Efir gündəliyinə xəbərlər, iqtisadiyyat xəbərləri, günün mövzusunda şərh, tarixi materiallar və musiqi daxildir.
Beynəlxalq Radionun “Vətən” proqramı da buraxılışımızda yer alır. Proqram hər gün 1 saat - 30 dəqiqə azərbaycanca, 30 dəqiqə isə ermənicə yayımlanır.
“Türk dilində verilişlər qrupu” həftənin hər günü xəbərlər, günün mövzusunda şərh, gündəmə aid material və musiqi çələngi ilə efirə çıxır. Qeyd edək ki, “ Türk dilində verilişlər qrupu” efir saatını “Türk dünyasının 100 bilgəsi” ünvanlı rubrika ilə də zənginləşdirir.
“Fars dilində verilişlər qrupu” həftənin hər günü xəbərlər, günün mövzusunda şərh, gündəmə aid material və musiqi çələngi ilə efirə çıxır. “Azərbaycan tarixindən səhifələr” rubrikası qrupun uzun illərdir efirə yayımlanan buraxılışıdır.
“ Ərəb dilində verilişlər qrupu” həftənin hər günü xəbərlər, günün mövzusunda şərh, gündəmə aid material və musiqi çələngini dinləyicilərə təqdim edir. Qeyd edək ki, “Ərəbin gözü ilə” rubrikası “Ərəb dilində verilişlər qrupu” nun dinləyiciləri tərəfindən ən çox dinlənilən rubrikalardandır.
Beynəlxalq Radio həftənin hər günü rus dilində verilişləri dinləyicilərə təqdim edir. Proqram xəbərlər, günün mövzusunda şərh, gündəmə aid material və musiqi çələngindən ibarətdir. Qrupun “Azərbaycanın dahi şəxsiyyətləri”, “Песни несущие любовь” adlı buraxılışları rus dilli dinləyicilərin rəğbətini qazanan verilişlərdəndir.
Beynəlxalq Radionun “ İngilis dilində verilişlər qrupu” həftənin I günü həftənin icmalı və musiqi çələngi ilə efirini davam etdirir.
Azərbaycan həqiqətlərini dünyaya çatdırmaq üçün çalışan Beynəlxalq Radio Azərbaycanda və dünyanın bir çox ölkələrində maraqla izlənilir.